Ky tur është një nga më të bukurit në rajonin e Durrësit, dhe është i përshtatshëm për të gjitha moshat. Nisja bëhet pranë Amfiteatrit të Durrësit në drejtim të Currilave duke kaluar poshtë Vilës së Mbretit “Zog I”, pranë Muzeut Arkeologjik dhe Universitetit të Durrësit. E gjithë rruga është e asfaltuar dhe në anë të saj ka ndërtime dhe restorante të shumta. Nga Currilat, tek ish-kampi i punëtorëve, rruga është e përshtatshme dhe për ecje dhe për makina dhe kalon nëpër një peisazh të përsosur detar, kodrinor ku në breg ndodhet dhe një port i vogël varkash i njohur si “Porti i Gjermanit”. Peisazhi i bukur detar me kodrina me pisha e shkurre bregdetare si dhe taraca ullishtash që vazhdojnë deri tek Hidrovori. Ndërsa, nga Hidrovori (Kalaja) në drejtim të Bishtit të Pallës ku dhe mund të akomodoheni, kalohet nëpër portin e mallrave dhe depozitave të karburanteve, nëpër peisazhe natyrore e kështu vazhdon ecja deri tek pika turistike e Bishtit të Pallës.
Itinerare për ecje & ngjitje
Karakteristikat e rrugës
Gjatësia
Disniveli
Lartësia
Koha
Rreth Durrësit
ITINERARI 2: Gjiri i Lalzit
Turi kalon përgjatë bregdetit Adriatik prej Bishtit të Pallës në drejtim të Gjirit të Lalzit në një peisazh të mrekullueshëm det - lagunë - kënetë. Gjatë gjithë lëvizjes nga Bisht Pallë ꞏ Bisht Kamëz (Ura) ꞏ Lumi Erzen ꞏ Rrushkull ꞏ Hamallaj (Plazh) ꞏ Fushë Draç (Kisha Shën Pjetër) ꞏ Gjiri i Lalzit, e gjithë rruga është fushore. Gjatë këtij intervali kemi peisazh detar, lagunor dhe kënetor me oaze të bukura natyrore me bimësi ujore. Fusha e Kënetës së Durrësit, Restorante, Plazhi Rinia, Këneta e Jukës, një zonë e bukur për gjueti peshku në lagunë. Në Rrushkull ndodhet Këneta e Bishtarakës dhe pylli Fazanerisë (Rezervati). Gjatë lëvizjes drejt Shën Pjetrit takohen duna detare rëre me pisha e bimësi bregdetare deri në Hamallaj. Pastaj, fillojnë komplekset turistike me Bar - Restorante të ndryshme si dhe Hotele dhe shtëpi private për pushim si dhe një kamping. Në Shën Pjetër - këtu ndodhet Kisha e Shën Pjetrit. Koha për pëshkrimin e këtij turi është 10 orë. Ndërkohë, nëse nisemi nga Kalaja e Durrësit dhe kalojmë përpara Bashkisë së qytetit dhe sitit arkeologjik, vijojmë rrugën në drejtim të Spitallës. Nga Spitalla vijohet sipas rrugës së makinës në drejtim të Porto Romanos dhe Bisht Pallës nga ku mund të akomodoheni dhe të shijoni bukuritë e zonës.
Karakteristikat e rrugës
Gjatësia
Disniveli
Lartësia
Rreth Durrësit
ITINERARI 3: Kisha Shën Pjetrit ꞏ Kepi Rodonit
Turi kalon përgjatë bregdetit Adriatik poshtë kodrave të Arshinxës, Muxhillit, Arrës, Lisit të Alemit, Fikut të Kuq dhe përfundon në Kepin e Rodonit. Turi kalon në një peisazh të mrekullueshëm detar dhe kodrinor. Kisha Shën Pjetër – Kepi i Rodonit: Në këtë tur lëvizja kryhet gjatë vijës bregdetare të Gjirit të Llazit nga Peshkimi - Guri i Gjatë - deri në Kep të Rodonit, gjatë rrugës kemi peisazh detar dhe kodrinor, vende për plazh etj. Në Kepin e Rodonit ndodhet kisha e Shën Ndoit dhe Kalaja e Skënderbeut. Këtu është vend kampingu dhe port për skafe dhe jahte.
Karakteristikat e rrugës
Gjatësia
Disniveli
Lartësia
Rreth Durrësit
ITINERARI 4: Fushë Draç ꞏ Kuraten
Turi kalon nëpër kodrat që janë pranë detit Adriatik dhe duke përshkruar disa fshatra të zonës e një peisazh të mrekullueshëm detar e kodrinor. Ngjitemi në Fushë Draç në drejtim të fshatit Bizë, ku kemi Qendrën Kristiane (Kisha), e vazhdojmë ecjen në drejtim të Lalzit duke kaluar tek Guri me Birë nëpër një peisazh shumë të bukur kodrinor, detar, me parcela bujqësore, vreshtari e pemtore, si dhe drurë karakteristikë detar Mare (Kocimare), Mersit, Lis. Nga Lalëzi lëvizet në një terren kodrinor në drejtim të Kuratenit. Gjatë këtij turi kemi të bëjmë me një peisazh kodrinor dhe pyjor si dhe shikohet e gjithë hapësira bregdetare e gjirit të Lalzit.
