Ky është turi i zbulimit të zonës fushore bregdetare të zonës verilindore të Durrësit. Turi është i gjatë dhe kërkon përgatitje fizike pasi do të përshkohen terrene fushore, ranore, lagunore dhe detare. Nisemi nga Muret Rrethuese të Kalasë së Durrësit dhe pasi kalojmë përgjatë bulevardit Epidamn vijojmë rrugën në drejtim të Spitallës. Nga Spitalla vijohet sipas rrugës së makinës në drejtim të Porto Romanos dhe Bisht Pallës nga ku mund të akomodohemi dhe të shijojmë bukuritë e zonës. Nga Bishti i Pallës lëvizet nëpër rrugë të paasfaltuara gjatë bregdetit Adriatik, një zonë e mrekullueshme bregdetare në drejtim të Sektor Rinia. Nga fshati Rinia lëvizet sipas rrugës së makinës së asfaltuar në drejtim të Urës së Qerretit ● Qerret ● Katund i Ri ● Sallmone ● Sukth i Ri ● Kullë ● Kryqëzimi Kuçok ● Armath ● Shkafane ● Rrotull ● Fushë Draç (Shën Pjetër) ku dhe akomodohemi. Kjo është një zonë turistike e pasur me plazhe dhe resorte.
Itinerare për çiklizëm
Karakteristikat :
Gjatësia
Disniveli
Kuota më e lartë
Rreth Durrësit
Itinerari 2: Gjiri i Lalzit ꞏ Fushë Draç ꞏ Shetaj ꞏ Kepi i Rodonit
Ky është turi i zbulimit të peisazheve piktoreske dhe mbresëlënëse të zonës kodrinore të Gjirit të Lalzit dhe eksplorimit të Kepit të Rodonit. Nisemi nga Fushë Draçi dhe fillojnë ngjitjen graduale në drejtim të Draçit. Pasi jemi ngjitur në kuotën më të lartë të Turit në Draç (200 m) fillojmë zbritjen graduale në drejtim të fashtit Shetaj dhe kështu vazhdojmë deri tek Kepi i Rodonit. Rruga është e asfaltuar deri në afërsi të fshatit Reka dhe me trafik të kufizuar. Në Kepin e Rodonit mund të vizitoni Fortifikim e Skënderbeut dhe Kishën e Shën Ndoit që janë objekte të trashëgimisë kulturore. Gjithashtu, në Kepin e Rodonit mund të gjeni mjedise për kamping ose sipas dëshirës dhe mundësive fizike mund të ktheheni në Gjirin e Lalzit.
Karakteristikat :
Gjatësia
Disniveli
Kuota më e lartë
Rreth Durrësit
Itinerari 3: Fushë Draç ꞏ Bizë ꞏ Lalëz ꞏ Ishëm ꞏ Ahmetaq ꞏ Vorë
Nisemi nga Fushë Draç dhe fillojmë ngjitjen graduale në drejtim të fashtit Bizë. Vazhdojmë rrugën e asfaltuar me ngritje dhe zbritje të lehta në drejtim të Ishmit duke përshkruar fshatrat Bizë dhe Lalëz. Më pas vizitojmë Kalanë e Ishmit, një objekt tjetër i trashëgimisë kulturore si dhe përkujtimoren e piktorit shqiptar të njohur ndërkombëtarisht Ibrahim Kodra. Nga këtu mund të shijoni peisazhin madhështor të zonës detare përreth si dhe peisazhet fushore dhe malore të Krujës. Fillojmë zbritjen në disa seksione me pjerrësi të fortë në drejtim të Kullës. Mandej vazhdon rruga e asfaltuar dhe fushore në drejtim të Bubq - Budull, Ahmetaq, kryqëzimi i Rinasit deri në Vorë për t’u akomoduar sipas dëshirës në hotelet përreth. I gjithë turi shoqërohet me peisazhe të mrekullueshme dhe një kombinim relievi: fushor kodrinor, malor.
